તમારા નામ પર કેટલા સીમકાર્ડ ચાલુ છે? તમારા નામ પર કોઈ બીજા તો કાર્ડ નથી વાપરતા ને? જાણો આ સરળ રીતે

અત્યારના સમયમાં ફ્રોડ બહુ વધી રહ્યા છે, ત્યારે આપણા નામ પર કેટલા સીમ કાર્ડ ચાલુ છે તે જાણવું આપણા માટે ખૂબ જ મહત્વનું છે. ઘણી વખત આપણી જાણ બહાર આપણા નામ પર કોઈ કાર્ડ વાપરતું હોય છે અને આપણને જાણ પણ હોતી નથી. આજે અમે તમારા માટે ખૂબ જ ઉપયોગી માહિતી લાવ્યા છીએ. જેની મદદ થી તમે તમારા નામ પર કેટલા સીમ ચાલુ છે તે જાણી શકશો.

તમારા ID પર કેટલાં સિમ એક્ટિવેટ છે એ જાણવું શા માટે મહત્ત્વનું છે?

જો તમારા આઈડી પર કોઈ સિમ એક્ટિવેટ છે, જેનો તમે ઉપયોગ નથી કરતા, તો તમારે

એનું પરિણામ ભોગવવું પડી શકે છે. ઉદાહરણ તરીકે, જો તમારી ID સાથે નોંધાયેલા સિમ સાથે ખોટી અથવા ગેરકાયદે પ્રવૃત્તિઓ ચાલી રહી છે, તો તમે મુશ્કેલીમાં મુકાઈ જશો. એટલા માટે તમારા આઈડી પર કેટલાં સિમ રજિસ્ટર્ડ છે એ જાણવું તમારા માટે ખૂબ જ મહત્ત્વપૂર્ણ બની જાય છે.

એક આઈડી પર 9 સિમ લઈ શકાય છે

તમને જણાવી દઈએ કે એક આઈડી પર વધુમાં વધુ 9 સિમ ઈશ્યુ કરવામાં આવે છે. તો કેટલાક રાજ્યોમાં મહત્તમ 6 સિમ આપવામાં આવે છે જેમાં આસામ, જમ્મુ કાશ્મીર અને પૂર્વોત્તર રાજ્યોનો સમાવેશ થાય છે.

ઓનલાઈન કેવી રીતે ચેક કરવું?

તમારા નામ પર કેટલા સીમ ચાલુ છે તે ઓનલાઇન ચેક કરવા માટે નીચેના સ્ટેપ ફોલો કરવા પડશે.

  • સૌપ્રથમ tafcop.dgtelecom.gov.in પોર્ટલ પર ક્લિક કરો.
  • અહીં બોક્સમાં તમારો મોબાઈલ નંબર એન્ટર કરો અને OTPની મદદથી લોગ-ઇન કરો.
  • હવે એ બધા નંબરોની વિગતો આવશે, જે તમારા ID પરથી ચાલી રહ્યા છે.
  • જો લિસ્ટમાં કોઈ એવો નંબર છે, જે તમને ખબર નથી, તો તમે તેની જાણ કરી શકો છો.
  • આ માટે નંબર પસંદ કરો અને ‘This is not my number’.
  • હવે ઉપરના બોક્સમાં IDમાં લખેલું નામ લખો.
  • હવે નીચે આપેલા રિપોર્ટ બોક્સ પર ક્લિક કરો.
  • ફરિયાદ કર્યા બાદ તમને ટિકિટ ID સંદર્ભ નંબર પણ આપવામાં આવશે.
આ પણ વાંચો  હવે તમારા ચૂંટણીકાર્ડમાં સુધારા કરો આ એપથી ઘરે બેઠા

આ રીતે તમારા નામ પર ઇસ્યૂ થયેલા સિમકાર્ડની સંખ્યા જાણી શકો છો.

ટેલિકોમ વિભાગે TAFCOP (ટેલિકોમ એનાલિટિક્સ ફોર ફ્રોડ મેનેજમેન્ટ એન્ડ કન્ઝ્યુમર પ્રોટેક્શન) નામનું પોર્ટલ તૈયાર કર્યું છે. tafcop.dgtelecom.gov.in પોર્ટલ પર દેશમાં એક્ટિવ મોબાઈલ નંબરનો ડેટાબેઝ અપલોડ થયેલો છે. પોર્ટલના માધ્યમથી સ્પૅમ અને ફ્રોડ કોલ્સ કન્ટ્રોલ પણ કરી શકાય છે. તમારા નામે કેટલાં સિમ કાર્ડ એક્ટિવ છે એ માત્ર 30 સેકન્ડમાં જાણી શકો છો.

જો તમને એવું લાગે છે કે આ લિસ્ટમાં કોઈ એવો નંબર છે, જે તમે યુઝ નથી કરી રહ્યા અને તમારા નામે ખોટી રીતે ઈસ્યુ થયો છે, તો તમે આ નંબર સામે પગલાં પણ લઈ શકો છો. આવા શંકાસ્પદ નંબરને બંધ કરવા માટે તમે આ જ વેબસાઈટ પરથી રિક્વેસ્ટ કરી શકો છો. આ માટે તમારે બસ આ અનઓથોરાઈઝ્ડ મોબાઈલ નંબર સામે રિપોર્ટ અને બ્લોકના ઓપ્શન પર ક્લિક કરવાનું રહેશે. જો તમને લિસ્ટમાં કોઈ એવો નંબર મળે છે, જે તમે નથી વાપરી રહ્યા તો, તમારે તાત્કાલિક આવા નંબર સામે પગલાં લેવા જોઈએ. તમારી અને દેશની સુરક્ષા માટે આ એક જરૂરી પગલું છે.

સીમકાર્ડ ચેક કરવાની લિંક

સીમકાર્ડ ચેક કરવાની લીંકઅહીં ક્લિક કરો

Leave a Comment