ઈન્ટનેશનલ સ્પેસ સ્ટેશને બિપોરજોય વાવાઝોડાનો સ્પેસ વિડીયો કર્યો જાહેર, આ વિડિયોમાં વાવાઝોડાનું ખતરનાક રૂપ જોઈ શકાય છે.

ઈન્ટનેશનલ સ્પેસ સ્ટેશને બિપોરજોય વાવાઝોડાનો સ્પેસ વિડીયો કર્યો જાહેર, આ વિડિયોમાં વાવાઝોડાનું ખતરનાક રૂપ જોઈ શકાય છે.: અરબી સમુદ્રમાં સર્જાયેલ ચક્રવાત બિપરજોય ગુજરાત તરફ આગળ વધી રહ્યું છે. ચક્રવાત બિપોરજોયના કારણે આગામી 36 કલાક રાજ્ય માટે ભારે છે. બીજી તરફ રાજ્યમાં છેલ્લા 2 દિવસથી વાવાઝોડાની અસર શરૂ થઈ ગઈ છે. તે સમયે રાહત કમિશનર આલોક પાંડેએ કહ્યું હતું કે ચક્રવાત કચ્છથી હવે થોડા કિમી જ દૂર છે. વાવાઝોડું 15મીએ સાંજે 5 વાગ્યાની આસપાસ લેન્ડફોલ કરે તેવી શક્યતા છે. આ દરમિયાન ઈન્ટરનેશનલ સ્પેસ સ્ટેશન પરથી ચક્રવાતના દ્રશ્યો પણ સામે આવ્યા છે. જેના પરથી અંદાજ લગાવી શકાય છે કે આ તોફાન કેટલું ભયાનક છે.

The International Space Station released a space video of Biporjoy cyclone

બિપરજોય ગુજરાત સહિત 9 રાજ્યોને અસર કરી શકે છે. આ દરમિયાન તોફાનનો એક સ્પેસ વીડિયો સામે આવ્યો છે. ત્યારે વીડિયો પરથી અંદાજ લગાવી શકાય છે કે તે કેટલું ભયાનક બની ગયું છે. તોફાન Biporjoy આજે સાંજે ગુજરાતમાં લેન્ડફોલ કરે તેવી શક્યતા છે. ભારતીય હવામાન વિભાગે બુધવારે કહ્યું કે 9 રાજ્યો અને કેન્દ્રશાસિત પ્રદેશોને એલર્ટ પર મૂકવામાં આવ્યા છે. આ રાજ્યો ગુજરાત, કેરળ, તમિલનાડુ, કર્ણાટક, મહારાષ્ટ્ર, ગોવા, દમણ અને દીવ, દાદરા અને નગર હવેલી છે. એટલું જ નહીં, ચક્રવાતને કારણે રાજસ્થાનના કેટલાક વિસ્તારોમાં વરસાદનું એલર્ટ પણ આપવામાં આવ્યું છે.

આજે એટલે કે 15મી જૂને કચ્છ, દ્વારકા, પોરબંદર, જામનગર, મોરબી, રાજકોટ અને જૂનાગઢમાં બિપરજોયને કારણે નુકસાન થવાની સંભાવના છે. આ જિલ્લાઓમાં કચ્છને ભારે નુકસાન થઈ શકે છે. આ સિવાય કેટલાક અન્ય જિલ્લાઓમાં ભારે પવન અને વરસાદને કારણે નુકસાન થઈ શકે છે.

શું છે કચ્છ જિલ્લાની સ્થિતિ?

ચક્રવાતી તોફાન બિપરજોય આજે ગુજરાતના દરિયાકાંઠે ત્રાટકશે. સાવચેતીના ભાગરૂપે 75 હજારથી વધુ લોકોને સુરક્ષિત સ્થળોએ ખસેડવામાં આવ્યા છે. 76 થી વધુ ટ્રેનો રદ કરવામાં આવી છે. લોકોને ઘરની બહાર ન નીકળવાની સલાહ આપવામાં આવી છે. આ સિવાય NDRF અને SDRFની અનેક ટીમો તૈનાત કરવામાં આવી છે. રાજ્ય અને કેન્દ્ર સરકાર સ્થિતિ પર નજર રાખી રહી છે. બિપરજોયના કારણે દ્વારકાધીશ મંદિર આજે ભક્તો માટે બંધ રાખવામાં આવ્યું છે.

આ પણ વાંચો  આ વ્યક્તિએ 3 વખત Taj Mahal, 2 વખત લાલ કિલ્લો તો 1 વખત રાષ્ટ્રપતિ ભવન વહેંચી નાખ્યું!

પવનની ઝડપ 60-70 કિમી પ્રતિ કલાક

એનડીઆરએફના અધિકારીએ જણાવ્યું કે પવનની ઝડપ હાલમાં 60-70 કિમી પ્રતિ કલાકની આસપાસ છે. અમે દરિયાકાંઠાના વિસ્તારો અને નીચાણવાળા વિસ્તારોની તપાસ કરી છે અને ત્યાં દળો તૈનાત કરવામાં આવ્યા છે. અમે રાજ્યના લોકોને અપીલ કરીએ છીએ કે તેઓ ઘરની અંદર રહે અને સરકાર દ્વારા જારી કરવામાં આવેલી માર્ગદર્શિકાનું પાલન કરે.

જામનગરમાં ભારે વરસાદ

ગુજરાતના જામનગરમાં પણ ભારે વરસાદ પડી રહ્યો છે. ચક્રવાત બિપરજોય આજે સાંજે ગુજરાતના દરિયાકાંઠે ટકરાશે.

ગુજરાતમાં ભારે પવન સાથે વરસાદ

ચક્રવાત બિપરજોયને કારણે ગુજરાતમાં ભારે ભરતી અને ભારે પવન સાથે વરસાદ પડી રહ્યો છે. બિપરજોય આજે કચ્છના જખૌ બંદર પાસે લેન્ડફોલ કરે તેવી શક્યતા છે.

વિડીયો જોવા માટે અહિ ક્લિક કરો

Leave a Comment