વાચક મિત્રો, દરેક ઘરનાં રસોડામાં મગ તો ઉપલબ્ધ હોય છે. પરંતુ શું તમે ક્યારેય વિચાર્યું છે કે આ ફણગાવેલા મગ ખાવાથી કેટલા બધા ફાયદા થાય છે ? આ પોસ્ટમાં આપણે ફણગાવેલા મગનાં અદભુત ફાયદાઓ વિશે ચર્ચા કરશું.
દરેક ઘરમાં તમે અવારનવાર મગનું શાક બનતા જોયું જ હશે અને જો તમારા ઘરે પણ હજુ મગનું શાક ન બનતું હોય તો આ પોસ્ટ વાંચીને તમે અચૂકથી કહેશો કે હા મગ તો ખાવા જ જોઈએ. આયુર્વેદમાં મગ કે ફણગાવેલા મગ કે મગના પાણીના અદભુત ફાયદાઓ વિશે જણાવવામાં આવેલ છે. આ ફણગાવેલા મગનું રોજ સેવન કરવાથી શરીરની રોગ પ્રતિકારક શક્તિમાં વધારો થાય છે. અને ભવિષ્યમાં આવનારી ઘણી બધી બીમારીઓથી બચી શકાય છે.
કોઈપણ વ્યક્તિ સાજો હોય કે માંદો તે બંને માટે ફણગાવેલા મગ ખૂબ જ ફાયદાકારક છે એવું કહેવાય છે કે એક લીટર દૂધમાં જેટલી શક્તિ હોય છે તેટલી જ શક્તિ 100 ગ્રામ મગમાંથી ઉત્પન્ન થાય છે. મગ પચાવવામાં ખૂબ જ હલકા છે. મગનું પાણી આંતરડામાં રહેલ મળ ને સાફ કરે છે. મગ પ્રોટીન, વિટામિન્સ અને પોષક તત્વોથી ભરપૂર હોય છે, જ્યારે ફણગાવેલા મગમાં કેલરીની માત્રા ખૂબ જ ઓછી અને એન્ટિઓક્સિડન્ટ તેમજ એમિનો એસિડ ખૂબ જ પ્રચુર માત્રામાં હોય છે. આ ઉપરાંત ફણગાવેલા મગમાં પ્રોટીન,ફાઇબર, મેગ્નેશિયમ, વિટામિન સી, અને વિટામિન ઈ પણ પ્રચુર માત્રામાં હોય છે.
ફણગાવેલ મગ ખાવાના ફાયદાઓ
રોગ પ્રતિકારક શક્તિમાં વધારો કરે છે.
નિત્ય સવારે ફણગાવેલા મગ ખાવાથી રોગપ્રતિકારક શક્તિમાં ખૂબ જ વધારો થાય છે. રોજ સવારે ઊઠીને ખાલી પેટે ફક્ત ત્રણ થી ચાર ચમચી જેટલા ફણગાવેલા મગ ખાવાથી લાંબા સમયે શરીરની રોગો સામે લડવાની તાકાત ખૂબ જ વધી જાય છે.કોરોના સમયગાળા બાદ લોકોમાં ફણગાવેલા મગ કે મગનું પાણી પીવાના અદભુત ફાયદાઓ વિશે ઘણી બધી જાગૃતતાઓ આવી છે. લોકો અવારનવાર ફણગાવેલા મગ કે મગના પાણીનું સેવન કરતા હોય છે.
પાચન શક્તિમાં વધારો કરે છે.
આયુર્વેદમાં એવું કહેવાયું છે કે જેનું પેટ સાફ તેને હર રોગ માફ. આજકાલ અવનવી લાઇફ સ્ટાઇલ અને અનન્ય પ્રકારના ભોજનના સેવન થી લોકોને પેટની સમસ્યા કે પાચન શક્તિમાં અવારનવાર સમસ્યા સર્જાતી હોય છે. ફણગાવેલા મગમાં પ્રચુર માત્રામાં ફાઇબરની ઉપલબ્ધાને કારણે તે પાચન સંબંધી મોટાભાગની સમસ્યાઓ માટે તે ખૂબ જ ઉપયોગી સાબિત થઈ શકે છે. આવા સમયે રોજ નિત્ય ફણગાવેલા મગના સેવન કરવાથી વ્યક્તિની પાચન શક્તિ સુધરે છે. મગ બાફ્યા બાદ ઓસામણ તરીકે નીકળતા પાણીને ફેંકી દેવાને બદલે આ પાણી ને પીવા માટે ઉપયોગ કરવો જેના અદભુત ફાયદાઓ છે.
વજન ઘટાડવામાં મદદ કરે છે.
સળગાવેલા મગનું નિત્ય સેવન કરવાથી તે શરીરમાં રહેલ ટોક્સિન્સ દૂર કરી બિનજરૂરી વજન ઘટાડવામાં પણ મદદ કરે છે. ફણગાવેલા મગમાં પ્રચુર માત્રામાં ફાયબર અને સ્ટાર્સની હાજરીને કારણે તે ભૂખની લાગણીને સંતોષકારક રીતે શાંત પાડી અતિશય આહારને રોકવામાં મદદ કરે છે.
ખરતા વાળ અટકાવવામાં ફાયદો કરે છે.
આજકાલના યુવાનો કે યુવતીઓમાં બેલેન્સ ડાયેટના અભાવે તેમજ વધતા જતામોબાઇલ કે ઉજાગરાઓને કારણે વાળ ખરવાની સમસ્યા ખૂબ જ વધી ગઈ છે. આવા કિસ્સામાં ફણગાવેલા મગ ખાવાથી તે વાળને મજબૂત કરી, થોડે ઘણે અંશે ખરતાં વાળ અટકાવવા માટે ફાયદો કરે છે.
કેન્સરનું જોખમ ઘટાડે છે.
ફણગાવેલા મગમાં પ્રચુર માત્રામાં એન્ટિઓક્સિડન્ટ આવેલા હોય છે. આ એન્ટિઓક્સિડન્ટને કારણે તે શરીરમાં રહેલા કેન્સરીયસ કોષોના નિર્માણની પ્રક્રિયામાં ખૂબ જ ઘટાડો કરી કેન્સર થવાનું જોખમ ઘટાડે છે.
બાળકોના વિકાસ માટે ખુબજ ફાયદાકારક
ફણગાવેલા મગનું સેવન કરવાથી બાળક બહુ ઓછું બીમાર પડે છે. નિત્ય મગનું સેવન કરવાથી બાળક તેજસ્વી અને બુદ્ધિશાળી બને છે, અને બાળકના વિકાસમાં મદદરૂપ બને છે. મોટાભાગની સ્ત્રીઓ જ્યારે મગનું શાક બનાવે છે ત્યારે તેમાંથી નીકળતા પાણીને પોતાના બાળકોને આપતા હોય છે, જે ખૂબ જ ફાયદાકારક હોય છે.
આ પણ વાંચો: ઉનાળાની કાળઝાળ ગરમીમાં તરબૂચ ખાવાથી થાય છે આ અદભૂત ફાયદાઓ, લૂ અને હિટસ્ટ્રોક થી બચવાનો છે ઉતમ ઘરેલુ ઉપાય
શિતકારક છે મગ
શરીરમાં ઉત્પન્ન થતી ગરમી કે દાહ અને સમાવવા માટે મગ એ ખૂબ જ શીતળ છે. તાવના સમયગાળા દરમિયાન મગનું પાણી પીવાથી તાવમાં પણ ફાયદો થાય છે.આ ઉપરાંત ફણગાવેલા મગનું નિત્ય સેવન ઘણી બધી બીમારીઓથી દૂર રહી શકાય છે. વાચક મિત્રો જો આ પોસ્ટ તમને સારી લાગી હોય તો તમારા મિત્રોને જરૂરથી મોકલજો
નોંધ : ઉપર દર્શાવેલ ઉપયોગી ઘરેલુ નુસખાઓ વિશ્વસનીય સ્ત્રોતોમાંથી લેવામાં આવેલ છે. દર્શાવેલ પોસ્ટનો મુખ્ય હેતુ માત્ર જાણકારી મેળવવા માટેનો જ છે. ઉપર દર્શાવેલ કોઈ પણ વસ્તુનો ઉપયોગ કર્યા પહેલા ડોક્ટરની સલાહ અવશ્ય લેવી.
ફણગાવેલા મગ ખાવાના ફાયદાઓ વેબ સ્ટોરી અહીથી જુવો